3 месяца назад
138
СПИДге жол жок!
БАЭМУда СПИДге каршы күрөшүү боюнча куратордук ачык сабак өттү

1-декабрь – Бүткүл дүйнөлүк СПИДге каршы күрөшүү күнүнө карата БАЭМУнун БСТ-1-24 тайпасынын куратору Надырбаева Кутбүнүн жетекчилиги алдында "СПИДге жол жок!" аттуу куратордук ачык сабак өткөрүлдү. Иш-чара студенттердин маалыматтуулугун арттыруу жана ВИЧ/СПИД илдетинин жайылышын алдын алуу максатында уюштурулду.
Сабакта куратор жана студенттер СПИД тууралуу маанилүү фактыларды, оорунун тарыхын жана аны алдын алуу чараларын талкуулашты. Тайпа старостасы Насирдинова Кызжибек СПИДге каршы күрөшүүдө студенттердин коомдук иштерге активдүү катышуусунун маанилүүлүгүн белгилеп, областтык СПИД борбордогу изилдөөлөрү тууралуу маалымат берди.
Ошондой эле, Мамасалиев Азадбек, Абдыкабырова Зиягүл жана Макамбаева Назира ВИЧ менен СПИДдин айырмасы, жугуу жолдору, алдын алуу чаралары, жана СПИД менен жашаган адамдардын укуктары боюнча баяндамаларын ватман схемалары менен көрсөтүштү.
Иш-чараны БАЭМУнун проректору Г.С. Ташиева жана ТГД кафедрасынын башчысы В.Э. Анарбекова жогорку деңгээлде баалап, студенттердин активдүүлүгүнө ыраазычылык билдиришти.
Бул куратордук ачык сабак студенттерге СПИД тууралуу тереңирээк маалымат алып, анын алдын алуу боюнча иш-аракеттерди өздөштүрүүгө чоң мүмкүнчүлүк берди.
Обсуждение
Оставь комментарии первым.