10-ноябрь 2023 жылы БАЭМУнун Фармация кафедрасы тарабынан өткөрүлгөн  “Витаминдердин организмдеги ролу”  аталыштагы студенттик  илимий-практикалык конференциясы жөнүндө маалымат

Борбор Азия эл аралык медициналык университетинде 10-ноябрь бүткүл дүйнөлүк илим  күнүнө карата “Витаминдердин организмдеги ролу”  аталыштагы илимий-практикалык конференция болуп өттү. Конференция окуу жайдын ректору Талантбек Канатбекович Нарымбетов, президенти Жаныбай Токоевич Арынбаевдин куттуктоо создору менен ачылып, профессордук-окутуучулук курамга сыйлыктар тапшырылды.  Конференцияда “Фармация” адистигинде билим алып жаткан 3-курстун, "Дарылоо иши" адистигинен  4-курстун студенттеринин  “Фито-фармацевт” илимий ийриминдеги жергиликтүү дары өсүмдүктөрдүн курамындагы витаминдерди аныктоо боюнча илимий-изилдөө иштеринин жыйынтыгы тууралуу кызыктуу  баяндамалар окулду жана фито чайлар көргөзмөсү жогорку деңгээлде уюштурулду.  Иш-чарага Жалал-Абаддагы фармкомпаниялардын жетекчилери да катышып, куттуктоо сөздөрүн айтышты. Конференциянын жыйынтыгында активдүү катышкан студенттерге дипломдор тапшырылды.