2024-2025 окуу жылына Коррупцияга каршы күрөшүү боюнча иш-чаралардын планы

Борбордук Азия Эл аралык Медициналык Университети

Коррупцияга каршы күрөшүү боюнча аткарылган иштер жөнүндө отчет

 2024-2025 окуу жылы

Отчет 2024-2025 окуу жылы ичинде аткарылган коррупцияга каршы күрөшүү боюнча иш-чаралардын жыйынтыгын чагылдырат. Университет Кыргыз Республикасынын коррупцияга каршы мыйзамдарына, билим берүү жана илим министрлигинин стратегиялык планына жана тиешелүү буйруктарга ылайык белгиленген иш-чараларды ишке ашырууну улантууда.

1. Жалпы жыйынтык

Жыл ичинде университет коррупцияга каршы күрөшүүнү күчөтүү боюнча бир катар чараларды аткарды. Антикоррупциялык комиссия ишин жигердүү жүргүзүп, окумуштууларга, студенттерге жана кызматкерлерге арналган маалыматтык жана көзөмөлдөө иш-чаралары уюштурулду.

2. Аткарылган негизги иш-чаралар

1.         Ректордун буйругу менен антикоррупциялык комиссия түзүлүп, анын курамы бекитилди. Комиссия учурда активдүү иш алып барууда.

2.         Университеттин ички нормативдик документтери жаңыланып, этикалык кодекс жана коррупцияга каршы күрөшүү боюнча эрежелер кабыл алынды.

3.         Коррупциялык тобокелдиктерди азайтуу максатында, академиялык чынчылдыкты камсыздоо боюнча туруктуу мониторинг жүргүзүлүүдө.

4.         Окумуштууларга, кызматкерлерге жана студенттерге коррупцияга каршы күрөшүү боюнча семинарлар, тренингдер жана лекциялар уюштурулуп, 3 маалыматтык иш-чара өткөрүлдү.

29.01.25. “Коррупцияга каршы аракеттенүү чөйрөсүндөгү айрым мыйзам актыларына киргизилген өзгөртүүлөр” тууралуу УКМКнын кызматкери Садатбеков Бакберген Садатбекович, жана “Дин тууралуу эркиндиги жана диний бирикмелер жөнүндө” КР нын мыйзамы тууралуу Кайсарбаев Нурбек Жанарбекович КР Дин иштери боюнча мамлекеттик комиссиясынын Жалал Абад облусунун өкүлү катышуусунда БАЭМУнун кызматкерлери менен жолугушуу болуп өттү.Университеттин расмий сайтында жана маалымат такталарында коррупцияга каршы күрөшүү тууралуу маалыматтар жайгаштырылды.

20.01.2025 ЦАММУ жамаатынын жалпы жыйыны, администрациянын профессордук-окутуучулук курам (ПОК) менен жолугушуусу

Күн тартиби:Кыргыз Республикасынын Улуттук коопсуздук боюнча мамлекеттик комитетинин төрагасы, Кыргыз Республикасынын Министрлер Кабинетинин Төрагасынын орун басары Ташиев Камчыбек Кыдыршаевичтин Бишкек шаарында окуу жай жетекчилери менен болгон жолугушуусу тууралуу маалымат берүү.

Окуу иштери боюнча проректор Руслан Орозов ГКНБ менен болгон жолугушуу тууралуу ПОКга маалымат берди. Жолугушуунун максаты – билим берүү мекемелеринде УКМК тарабынан акыркы 4 жыл ичинде жүргүзүлгөн коррупцияга каршы күрөшүү иш-чаралары жөнүндө жана университеттин ар бир кызматкерине коррупцияга жол бербөө зарылдыгы жеткирилди, ошондой эле билим берүү тармагындагы коррупцияны түп-тамырынан жок кылууга бардык кызматкерлерди активдүү катышууга чакырды.

БАЭМУ ачылган күндөн тартып, университетте көз карандысыз антикоррупциялык комиссия иш алып барып келет. Анын төрагасы Нурдин Саматович Жунусов жыйында комиссиянын ишмердүүлүгү боюнча доклад жасады. Нурдин Саматович студенттер арасында үзгүлтүксүз сурамжылоолор өткөрүлүп турарын жана анын жыйынтыгында БАЭМУда коррупция фактылары катталбаганын маалымдады.

Жыйналыштын катышуучуларына жолугушуунун видеоматериалы көрсөтүлдү.

Сентябрь, 2024, январь. 2025. Жалпы ПОКга жана студенттер менен “Жагымсыз жагдайларды алдын алуу” боюнча жалпы жыйын болуп өттү. 

5.         Анонимдүү арыздарды берүү үчүн ишеним кутулары орнотулуп, электрондук арыз берүү механизмдери иштелип чыкты.

6.         Студенттер жана кызматкерлер арасында анонимдүү антикоррупциялык сурамжылоолор эки жолу өткөрүлүп, жыйынтыктары анализденди.

7.         Экзамен тапшыруу, процедураларына көзөмөл жүргүзүлүп, алардын ачык-айкындуулугу камсыздалды.

8.         Финансылык операциялар мыйзамдуу өтүшү үчүн каржы бөлүмү жана юридикалык бөлүм тарабынан көзөмөл жүргүзүлүүдө.

9.         Эбилим автоматташтырылган системасы аркылуу студенттердин канааттануусун баалоо ишке ашырылып, окуу процессине байланыштуу пикирлер анализденди.

10.     Антикоррупциялык комиссиянын жыйындары эки жолу өткөрүлүп, кабыл алынган чечимдер негизинде тиешелүү иштер жүргүзүлдү.

11.     Билим берүү жана илим министрлиги тарабынан бекитилип берилген “Обязательство по противодействию коррупции 2025 г.” Документи ПОК тарабынан тааныштырылып, кол коюлуп, жеке делолоруна тиркелди.

3. Коррупцияга каршы күрөшүүнүн келечектеги кадамдары

• Университет ичиндеги коррупциялык көрүнүштөрдү мындан ары дагы көзөмөлдөө жана алдын алуу иш-чараларын күчөтүү.
• Антикоррупциялык саясаттын натыйжалуулугун жогорулатуу үчүн кошумча семинарларды жана тренингдерди уюштуруу.
• Арыздарды кароо жана териштирүү механизмдерин өркүндөтүү.
• Окуу процессинде санариптик жана автоматташтырылган көзөмөл системаларын кеңири колдонуу.

Руководителям - реализац. антикорруп.плана.pdf Обязательство по противодействию коррупции

Материалы в социальных сетях:

• https://www.facebook.com/gulbara.tashieva.90?locale=ru_RU
• https://www.facebook.com/share/p/19BEQncV1v/